Right in the kanickies

Miðnæturblogg I : ,, Fólk"

2008-08-02T23:31:00.008Z

Paper dolls and people are a similar shape....

Alveg síðan ég var krakki hef ég haft mikinn áhuga á fólki. Engri séstakri tegund af fólki heldur bara fólki yfir höfuð. Mér finnst fólk vera alveg rosalega skemmtilegt meira að segja leiðinlegt fólk. Oft er leiðinlegt fólk meira að segja skemmtilegra því ég get velt mér svo lengi upp úr því hvernig það er leiðinlegt eða afhverju mér finnst það leiðinlegt.

Það sem hefur samt breyst mest núna síðast liðið ár er það að eftir því sem ég hugsa meira um athafnir fólks þá sé ég betur sjálfa mig. Ég held ég hafi aldrei kynnst mér eins vel og þetta sumar.

Stundum líkar mér hreint ekki hvað ég sé og þá vil ég hreinlega ekki trúa því að ég geti virkilega verið svona. Þó það sé hreint ömurlegt þá finnst mér það oft auðvelda mér að skilja hvernig öðru fólki líður í staðinn.

Fólki virðist oft reynast það auðveldara að fela tilfinningar sínar en að sýna þær eða vinna úr þeim. Þannig er það með mig og það hefur sýnt sig í sumar að ég geri það mjög mikið mun meira en jafnvel mig grunaði. Í augnablikinu veit ég ekkert hvernig mér líður svona yfir það heila. Er ég hamingjusöm? Er ég leið? Ég er hreinlega ekki viss. Ef til vill er ekki hægt að spyrja sig þessara spurninga því það er ekkert nauðsynlega svar við þeim.

Nú stend ég frammi fyrir stórum spurningum í sambandi við mína framtíð og ég get ómögulega svarað þeim og það er að gera mig brjálaða. Ég get einfaldega ekki gert upp hug minn um hvað það er sem ég vil gera. Ég veit hvað er gott að gera, ég veit hvað er sniðugt og ég veit hvað er þægilegt að gera en ekki hvað ég vil gera.

En hví þessi mikla naflaskoðun? Svarið við því er einfalt ég hef ekki haft neitt betra að gera og svo getur maður ekki verið sannarlega sjálfselskur nema maður þekki sig sjálfan.

...love is like a roll of tape, you search on the roll you search on the roll you search on the roll with your fingernail but somhow you never seem to see the end...

2007-12-30T23:37:00.000Z

I don't know what you're looking for you haven't found it baby, that's for sure. You rip me up and spread me all around in the dust of the deed of time

Þegar ég settist hérna niður ætlaði ég mér að skrifa áramótaannál. Síðan rann það upp fyrir mér að ég er hvorki nægilega fyndin né frumleg til að það yrði skemmtileg lesning þannig að ég læt það vera.

Hins vegar er mér mikið í mun að rausa dálítið. Ég er orðin svo þreytt á því að allir þurfa alltaf að hugsa fyrir öllum öðrum. Afhverju dæmum við alltaf alla og allt eins harkalega og við gerum. Ég er orðin alveg skelfilega þreytt á sjálfri mér hvað þetta varðar og reyni hvað ég get að hætta þessu nema þegar kemur að einstaka sjónvarpsþáttum ( ertu skarpari en skólakrakki t.d.).

Oftast kem ég þó að sjálfri mér að bölsótast út í einhvern yfir einhverju sem mér finnst fáránlegt. Eins og tildæmis að vera í SKÆRGULRI ,,designe" kápu í þessu veðri. Hvað í ósköpunum kemur mér það við eða nokkrum öðrum þegar að því er vikið í hvernig fötum einhver er eða hvað einhver annar ákveður að hafa fyrir stafni svo lengi sem það skaðar ekki einhvern annan? Jú auðvitað má deila um hvað skaðar og hvað ekki en það að fara ekki skóla strax eftir menntó eða fara út á netabol og pollabuxum ætti ekki að þurfa að valda öðrum skaða.

Í ár hef ég ákveðið að strengja aldrei þessu vant áramótaheit.

Ég ætla að reyna að bæta mig og verða stoltari af mér án þess að láta aðra/annað en mig hafa áhrif á mig.

Annars segi ég bara gleðilegt nýtt ár og vonandi verður það aðeins betra en það sem er að líða hvort sem það var gott eða slæmt.

I should have seen it when my hope was new. My heart is black and my body is blue and I'm losing my favourite game. You're losing your mind again, I'm losing my favourite game. I've tried but you're still the same.

Vinnuhelgi

2007-10-27T11:09:00.000Z

Þessi helgi er eins og nánast allar helgar hingað til. Vinnuhelgi. Ég er reyndar ekki að fara í vinnu heldur þarf ég að læra allar mögulegar lausar stundir og reyna að hamla samviskubit mitt í því að drepa mig þegar ég er ekki að því. Þetta er mitt val og ég veit það vel. Það þarf samt ekki að þýða að mér líki það neitt sérstaklega vel sérstaklega ekki á helgi sem þessari þar sem vikan á undan er búin að vera uppfull af krefjandi verkefnum og tímaleysi.
Síðustu daga hef ég mikið verið að spá í framtíðaráform mín og ég er engu nær. Einhvertíma hafði mig dreymt um að verða læknir. Hjálpa þeim er líður illa og finnast ég hafa skilað einhverju til baka til heimsins. Eftir að ég kynntist Ómari hefur sú skoðun samt breyst. Ég hef fylgst með námi síðustu þrjú ár og mjög vel síðustu tvö og ég er virkilega farin að efast að þetta sé það sem ég vil gera. En þá er spurningin hvað vil ég gera?
Það hefur aldrei verið spurning með það að áhugi minn liggur á sviði raungreina, og þá sérstaklega þeirra sem tengjast lifandi hlutum. Að vísu veit ég að flestar þær greinar sem liggja á þessu sviði bjóða ekki upp á mikinn starfsframa hvað þá heldur vel útlítandi launaseðil í enda mánaðar. Auðvitað á það ekki að skifta máli er það nokkuð?
Ef það er einhver þarna úti sem er með svarið fyrir mig þá má hann endilega láta mig vita en einhvernveginn grunar mig að ég þurfi að finna svarið við þessu sjálf.

Voha!

2007-10-11T15:29:00.000Z

2007-08-28T22:14:00.000Z

Ég er að íhuga að gefast upp.

Nú er ég búin að eyða allt of löngum tíma í vitleysuna sem er þetta blogg. Ég ætlaði að setja nýtt template og þar með laga þá staðreynd að allir íslenskir stafir sem koma fram í linkum og öðru hjá mér eru óskyljanlegir öllum þeim er ekki hafa mikla reynslu í lestri dulkóða.

Þar sem ég er með hotmail þá er ég reyndar orðin ansi góð í því en það er annað mál.

Skólinn er byrjaður enn og aftur. Ég trúi því vart að ég sé í alvörunni að byrja í sjötta bekk! Ef allt gengur að óskum mun ég útskrifast í vor!

Þetta sumar er búið að vera hreint frábært. Auðvitað var rúsínan í pylsuendanum ferðin til Tenerife sem var í stuttu máli sagt skrautleg. Meira um það síðar.

Ég vildi að ég gæti dreift skoðunum mínum um alnetið en svo reynist ekki vera. Ég hreinlega nenni því ekki. Ekki að það skipti neinu þar sem enginn les þetta lengur. En ef þú ert þarna úti lesandi góður endilega láttu mig vita, kanski (en bara kanski) skrifa ég eitthvað tileinkað þér.

2007-06-12T19:04:00.000Z

í sveitinni skemmti ég mér trallallalla....

Já ég er í sveitinni. Nánar tiltekið í Búrfelli í Þjórsárdal svona ef einhvern langar að heimsækja mig... Býst svo sem ekki við því reyndar.

Ég er sólbrennd eftir mikinn hita síðustu daga hverjum datt í hug að það ætti eftir að koma sumar á íslandi???

2007-05-23T23:11:00.001Z

You always say I want too much. Is it such a crime, to want more than just lust...

Ég er þreytt og ég er pirruð. Ég er komin með ógeð á sjálfri mér og ég er komin með upp í kok af því að þurfa alltaf að hanga heima hjá mér með nefið ofan í hundleiðinlegum og niðurdrepandi skólabókum.
Afhverju er ég að þessu? Dugir þetta mér virkilega til að komast áfram í lífinu skilar þetta mér einhverjum árangri seinna? Eru þessi próf virkilega svo mikilvæg að þau muni hafa varanleg áhrif á framvindan lífs míns?
Ég persónulega efa það. Samt píni ég mig áfram af einhverri óútskýrðri sjálfspíningarhvöt til þess að vakna á morgnanna og hella mér yfir enn eina bókina til þess að reyna að skilja reyna að fatta reyna að læra. Mér hefur orðið lítið ágengt hingað til.
Ég er búin með 11 próf og á eitt eftir. Þetta er heldur ekki eitthvað lítið ómerkilegt próf sem dugir að lesa einhverja sögu fyrir. Nei, ég er auðvitað ekki svo heppin þetta er eðlisfræðipróf. Ég hata eðlisfræði. Þegar ég var í grunnskóla var hún ein af uppáhaldsfögunum mínum. Þetta var bara almenn vitneskja og nokkrar formúlur komið. Núna þarf ég að hugsa og þetta er farið að líkjast stærðfræði meira en nokkuð annað.
Einu virkilegu kostirnir við þessi próf eru stúdentsprófin sem ég er búin að taka. Engin meiri efnafræði, lífræn efnafræði, enska eða þýska!!!

Njótið þess að vera í fríi eða að vinna og hugsið til mín sem sit heima hjá mér að leysa dæmi.

Skemmtivikur!

2007-03-16T16:36:00.001Z

Þessir síðustu dagar hafa verið mjög áhugaverðir.

Síðasta fimmtudag tókst mér með mínum afburðar hæfileikum að fá fallegan 2,5cm skurð fyrir ofan vinstri augabrúnina mér. Ég var í bandí á æfingu hljóp á Þengil svo andlitið á mér sprakk pínu lítið en ég fékk rosalega pen fimm spor og núna sést þetta varla.

Það sem hefur samt haft mest og jafnframt verst áhrif á mig var þegar ég las í blaðinu grein sem ég bjóst aldrei við að lesa við þessar aðstæður. Þetta gerði mig alveg hryllilega pirraða sérstaklega vegna þess að ég vissi ekkert af þessu og lögmaðurinn minn ekki heldur ég hata sýslumanninn á Selfossi ég hata þetta fífl. Hér geturðu lesið fréttina ef þú hefur áhuga. Hún er líka reyndar á annarri síðu blaðsins 13.03.07 ef þig langar að sjá þetta á prenti.

En þetta ár skal verða gott ár! Það bara skal!!!

2007-03-04T17:21:00.000Z

Testing, testing... 123...123...

Fögnuður! Með hjálp Beast tókst mér, tölvuóvitanum, loksins að skrá mig inn á þetta nýja blogger beta. Það er semsagt ástæðan fyrir því að ég hef ekki bloggað svona lengi, ég var ennþá í þessu gamla og kunni ekki á þetta nýja. Shame on me.

2007-03-02T20:59:00.000Z

Þessi vika hefur einkennst af einu og það er leti og áhugaleysi.

Ég nenni engu og langar ekki að gera neitt. Mikill tími hefur farið í ekki neitt og ég sé ekki fram á að það sé neitt að fara að breytast. Eins og núna klukkan er níu á föstudagskvöldi og hvað er ég að gera? Jú ég er að blogga um ekki neitt og mér líður eins og klukkan sé rúmlega tólf. Það er búið að bjóða mér í partý en ég nenni ekki. Hver mundi svo sem vilja bjóða mér í partý? Ég er svona um það bil óáhugaverðasta manneskjan á svæðinu í augnablikinu. Þetta er ekki það sem ég á að mér svo sem en hey kanski hef ég gott af þessu.

Reyndar gæti verið gáfulegt að rífa sig upp á rasshárunum fara í sturtu og skella sér í partý. Ef til vill hefði maður bara gott af því. Gæti reyndar líka reynt að fá mömmu til að leigja með mér einhverja spólu og kaupa smá nammi... Spurning spurning... Ef þú varst einhvertíman að íhuga hvort ég gæti mögulega verið spennandi persóna þá er hér sönnun fyrir því að svo er ekki. Ja ekki nema það sé spennnandi að klippa á sér táneglurnar því þá er ég án efa einhver sú áhugaverðasta og líflegasta manneskja sem þú átt nokkur tíma eftir að kynnast.

Yfir og út.

Ekkert klám á íslandi!!!

2007-02-22T21:05:00.000Z

Mikið fannst mér fyndið þegar mér var sagt að nú væri búið að reka burt þá er ætluðu að sækja klámráðstefnu hér í Reykjavík. Mikil pressa stjórnvalda og almennings olli því að hótelrekendur sáu ekki hag sinn í því að bjóða þessu fólki upp á gistingu.
Þetta er hinn klassíski tvískinningur. Ég fór í Hagkaup um daginn þar var heil hilla tileinkuð klámblöðum ,já klámblöðum það var ekkert erótískt við þetta, og ekkert er sagt við því. Í smáauglýsingar í blöðum eru fullar af auglýsingum fyrir síma kynlíf þar sem stundum eru tilteknir einhverjir sérstakir kynlífsórar. (Reyndar líka auglýsing um að hægt sé að redda pólverjum í öll störf en það er annað mál.) Úti á götu sé ég auglýsingu sem auglýsir klámmyndir á tilboðsverði og handjárn. Afhverju er þetta leyfilegt en ekki þessi ráðstefna?
Auðvitað er það rétt að það eru ekki allir sem vinna við klámiðnaðinn af fúsum og frjálsum vilja en á þá að banna kaffi? Súkkulaði? Nike fatnað? o.s.frv.
Þeir sem starfa við að tína kaffibaunir eru í langflestum tilfellum þrælabörn sem gera það fyrir fæði og húsnæði og ekkert meir á fáránlegum vinnutímum og aldrei fá þau frí.
Er það bara vegna þess að klámiðnaðurinn er eitthvað sem skaðar fólk í hinum vestræna heimi sem það veldur okkur áhyggjum? Ef við ætlum að banna þetta þurfum við þá ekki alvarlega að íhuga hvað ætti að vera leyfilegt? Hefur þú skoðað hvaðan kakóbaunirnar í súkkulaðinu sem þú borðaðir koma?

2007-01-19T20:20:00.000Z

Ég fór í Kringluna í dag það er svo sem ekkert merkilegt nema hvað að ég hef sjaldan orðið eins pirruð út í eigin hæð og í dag. Ég mátaði skoðaði og dáðist að svona um það bil tuttugu leðurjökkum en fann engann sem var nægilega síður á mig. Annað en þessi litli gaur sem hefur svo sannarlega fundið jakkan við hæfi, ég öfunda hann... =>

Ég er að fara að gera stærðarinnar mistök á 25.jan. það verður örugglega algjört æði...

Annars er lítið að gerast nema hvað ég er að lesa bók sem heitir ,,Tryggðarpantur" og get ég svo sannarlega sagt ykkur sem ekki hafið lesið hana að sleppa því. Sjaldan hef ég eytt jafn miklum tíma í ekki neitt og að lesa þessa bók. Ég er rúmlega hálfnuð og enn hefur ekkert gerst. Þessi bók fer undir sama hatt og ,, The Devil Wears Prada" sem er fullkomin tímaeyðsla. Myndin er þrátt fyrir að vera ekkert meistaraverk þó muuuun betri en sú bók.
Þessar bækur eiga það nefnilega sameiginlegt að það gerist ekkert í þeim sem heldur áhuga lesandans. Þær eru einfaldlega ekkert.

Mikið er ég samt reið út í Birgisruglið, þetta er ótrúlegt. Hvernig getur einhver lagst svo lágt að heilaþvo og misnota fólk sem eru orðnir aumingjar af ofnotkun vímuefna get ég ekki skilið. Afhverju svona miklir peningar voru settir í stofnun sem treysti algjörlega á það að fólk frelsaðist skil ég reyndar ekki heldur.

2007-01-12T15:56:00.000Z

Nú þegar bílarnir státa vígtönnum og grasið hefur falið sig undir hvítri þykkri sæng er fátt meira freistandi en að hjúfra sig upp að einhverjum sem manni þykir vænt um og vefja sig inn í teppi hlusta á rokið og gleyma öllu slæmu í heiminum.

Þegar ég vaknaði í morgun var fátt sem ég vildi frekar gera en að leggja aftur augun og sofa fram á vor. Veturinn er ekki minn uppáhaldsárstími. Kuldi, myrkur, stress og heimanám...

Þetta er samt allt að lagast ekkert endist að eilífu nú er dagurinn farinn að lengjast aftur og þrátt fyrir að snjórinn sé kaldur þá er allt bjartara og hreinna þegar hann leggst yfir. Hlakka reyndar ekki til þegar hann fer og allt flugelda draslið kemur aftur upp á sjónarsviðið.

2007-01-05T19:28:00.000Z

Looking in my own eyes I can't find the love I want. Someone better slap me before
I start to rust...

Loksins, loksins, núna ætti ég að geta bloggað að vild enda er búið að uppfæra blogger hérna hjá okkur Bitch.

Ég hef verið í miklu stríði við blogger.com og lítið hefur gengið en nú skal þetta ganga. Ég mun halda þessarri síðu gangandi!

En hvað hefur annars gerst síðan ég bloggaði síðast? Ja, ekki mikið og það merkilegasta er án efa sú staðreynd að ég vann fjölskylduna mína í Scrabble! Ó já ég Þórunn Lilja Vilbergsdóttir vann fjölskylduna mína með yfirburðum í Scrabble í fyrsta skipti á æfi minni.

Nú er það bara gamla góða rútínan...

Before I start to decompose looking in my rear mirror,looking in my rear mirrorI can't make it dissapear

2006-12-23T22:47:00.000Z

Snjokorn falla a allt og alla, bornin leika og skemmta ser...

ICELAND HERE I COME!

Eg sit herna a flugvellinum og bid tess ad tad verdi byrjad ad borda i velina sem eg er ad fara i eg er mjog lot i augnablikinu og nenni ekki ad blogga neitt almennilega en eg aetladi bara ad oska ollum gledilegra jola! Njotidi timans sem tid faid i fri!

kv. The beast

2006-12-19T01:17:00.000Z

Mmmm...

sól sól skýn á mig...

súkkulaði...

Ben&Jerrys...

Gígastórir fánar...

Trukkar sem gætu gleypt mig

Endalaust af búðum!

p.s.
Og Rún er geggt skemmtó

2006-12-15T09:56:00.000Z

Ég hata netbankann minn ég hata hann!

Ég hef aldrei þurft að hringja svona oft í þjónustuver út af einhverju! Ég kann biðlagið utan að og ég veit nákvæmlega hvenær kallinn segir,, því miður eru allir þjónustufulltrúar okkar uppteknir vinsamlegast bíðið!" ARG!

En annars er ég mjög kát því í dag skal ég kanna nýjar slóðir!

I only wanted to be wonderful to be wanted by you...

2006-12-03T18:37:00.000Z

Prófin eru byrjuð eða alveg að byrja, fyrsta prófið er á mánudaginn. Fyrsta af mörgum. Ég er samt ekki stressuð. Ekki ennþá. Afhverju? Ekki hugmynd.

Það að setjast niður og lesa skólabók hefur haft mjög neikvæð áhrif á getu mína til að hafa mannleg samskipti. Ég hef einnig tekið eftir þessu hjá öðrum þegar prófin byrja. Þegar fólk gefur sér smá pásu til að hittast og slæpast getur það eiginlega ekki talað um neitt því ekkert er mikilvægt. Það er eins og fólk sé að hugsa ,,Bíddu þú ert ekki glósubók, hvað er ég að eyða tíma í þig?". Stundum stend ég mig að því að hugsa þegar ég er að hlusta á einhvern röfla um líf sitt :,, þetta skiptir engu máli þetta er ekki til prófs". Ég missi fullkomlega einbeitninguna og fer að pæla í einhverju allt öðru eins og gasfastanum. PV=nRT...

Annars er reyndar bara eins og heilinn í mér sé fullkomlega tómur þegar lesturinn hljómar ekki í hausnum á mér eins og þreytt og aðeins rispuð plata. Er ekkert þarna?

2006-11-24T19:19:00.000Z

Someone, somewhere, someone, somewhere, someone was made for you. Someone, somewhere someone, somewhere, someone believes in you.

Arg... Fólk er fífl svo mikið er víst. Ég er búin að fá mig fullsadda af því að fólk ljúgi upp í ermina á sér og reyni síðan að hreinsa upp eftir sig skítinn með misgóðum árangri.
Stundum er eins og fólk trúi því að ég sé einhver skítug gólfmotta og það skipti engu máli hvað er gert við mig. Alltaf má þurka sér á mér aftur.
Er stórt VELKOMINN skilti á enninu á mér?

Ég verð reyndar að viðurkenna að það eru alls ekki allir svona. Ég þekki mikið af fólki sem sýnir fólkinu í kringum sig virðingu og kurteisi. Verst er að ég trúi því alltaf að það séu allir svona þangað til ég fæ að finna fyrir öðru.

But maybe their dead, but maybe their dead.

2006-11-15T16:28:00.000Z

Á meðan prentarinn minn prentar út skýrslu sem mér líður eins og sé númer 78.995 í vetur datt mér í hug að skella inn eins og einu bloggi eða svo. Mig grunar reyndar að enginn lesi þetta lengur þar sem ekkert hefur verið bloggað hér að viti svo vikum skiptir!

Hugsunin að hætta og gefast upp er búinn að ásækja mig síðustu mánuði. Ég er að verða geðveik á því að þurfa alltaf að sleppa einhverju til að geta gert eitthvað annað. Ég er farin að sakna vina minna og þess að geta lagst niður og lesið góða bók eða farið í langt heitt bað. (Sturtur eru bara ekki afslappandi!) En eins og mér hefur margoft verið sagt þá á ég ekki að væla yfir þessu því þetta er eitthvað sem ég valdi sjálf.

Ég hef mikið verið að hugsa út í samskipti fólks þessa dagana. Afhverju og hvernig fólk talar við hvort annað. Ég tala nánast stanslaust út í eitt nema þegar ég er að hlusta á einhvern annann tala og þá er ég stundum (ekki alveg alltaf) bara að bíða eftir því að geta talað sjálf. En afhverju er það svona mikilvægt að tjá sig með tali? Dýrin komast ágætlega af án þess að tala en afhverju getum við það ekki. Ætli ástæðan sé ekki í rauninni sú að við erum búin að flækja líf okkar of mikið. Gerum of flókna hluti þekkjum of marga og vitum allt of mikið um ekki neitt.

Ég vil einföldun við þurfum bara þrjú orð : éta, ríða, skíta.

Örblogg

2006-11-08T17:17:00.000Z

Ákvað að skella eins og einu litlu bloggi hérna inn a) af því að ég er að fara í próf á morgun og er að reyna að finna mér ótrúlegustu ástæður til að byrja ekki að læra og b) vegna þess að ég er í einhverju, svo sjaldgæfu, stuði til þess.

Fyrsti snjórinn kom um daginn og svo kom meira í dag, hann var meira að segja svo fallegur að Mrs. Eaton sagði okkur að horfa aðeins út um gluggann. Síðan byrjaði einhver að syngja White Christmas en þagnaði fljótlega af því að flestir í bekknum mínum, og á öllu Íslandi örugglega líka, vilja ekki byrja á neinu jólastandi fyrr en í desember.

P.s. fallega myndin sem ég reyndi að upploada nokkrum sinnum vill ekki láta sjá sig :-(

Fresh dirt under my fingernails and I can smell the hot asphalt

2006-10-22T19:58:00.000Z

Hvernig skal pirra skúringafólk:

Ekki klára úr kaffibollanum þínum og feldu hann einhverstaðar þar sem hann sést varla og kvartaðu svo ef hann er enn á borðinu þínu þegar þú kemur daginn eftir þrif
Tæmdu úr gataranum þínum beint á gólfið
Ekki nota neitt undir glösin eða bollana þína
Ekki þurka upp eftir þig ef þú hellir niður
Potaðu á skjáinn þinn með eins kámugum fingrum og þú getur
smyrðu smjöri á gólf og á alla hurðarhúna og hurðir
Notaðu allt leirtauið í kaffiaðstöðunni
Pissaðu standandi hvort sem þú ert kona eða karl
Hentu dömubindum beint í ruslið án þess að hylja þau á nokkurn hátt
Skildu eftir þig eins mikil bremsuför og þér getur mögulega tekist í klósettinu
Kúkaðu á klósettsetuna
Tættu klósettpappír út um allt gólf og dreifðu svo rifrildinu sem allra mest
Ekki nota minnismiða heldur krotaðu á veggi, borð eða önnur húsgögn
Rífðu allan pappír sem þú hendir í ruslið niður í öreindir og ekki fylgjast með því hvort þú hittir þegar þú setur hann í ruslið
Vertu á skóm með svörtum gúmmísóla sem gera för á gólf og skrifaðu nafnið á uppáhalds fótboltamanninum þínum á gólfið
Mildu niður mjólkurkex og tvíbökur í öll horn og gluggakistur
Reyndu að skjóta heftum eins langt og þú getur með heftaranum þínum án þess að tína þau upp eftir þig
En umfram allt vertu frumlegur og ekki láta siðferði eða kurteisi hindra þig á nokkurn hátt!

2006-10-11T16:21:00.000Z

Ég hata margmenni!

Afhverju? Jú sjáiði til ég breytist víst í skilti sem bendir á göngustíg í hvert skipti sem ég er í hópi sem inniheldur fleiri en þrjár persónur. Hvar sem ég er þá velur fólk alltaf að troða sér fyrir framan mig og troða á tánum á mér. Auðvitað biður mig enginn um að færa mig eða segir takk þegar ég geri það vegna þess að ég er auðvitað bara skilti! Aumt blátt skilti með hvítu letri sem á stendur „Gjörið svo vel endilega gangið hér!“

Eins og til dæmis í dag þegar ég var að bíða í röð fyrir framan hraðbanka þá völdu allir að labba fyrir framan mig hvort sem ég var öftust í röðinni í miðjunni eða fremst. Já ein stelpan ætlaði að labba fyrir framan mig þegar ég stóð við hraðbankann þangað til ég horfði til hennar með illilegu augnaráði sem hefði getað drepið mann.

Þetta fer samt mest í taugarnar á mér þegar ég er í virkilegu margmenni þar sem mikið af fólki með lítil börn og hunda er. Því jú, enn er ég skilti sem beinir fólki á réttu leiðina í gegnum mannþröngina.

Þótt ég sé skilti þá bið ég ykkur sýnið mér smá tillitssemi!

2006-10-08T16:05:00.000Z

Ég er komin með nóg af blogger af einhverjum ástæðum text mér aðeins að blogga í tíunda hvert skipti sem ég reyni eitthvað að blogga þannig að ég hendi þeirri hugmynd út í netheiminn að við Guðrún færum okkur eitthvað annað. .... Einhverjir sem mótmæla því ?

2006-09-05T23:30:00.000Z

Skólinn kominn á fullt og lítill tími fyrir nokkuð annað. Samt tekst mér að eyða allt of litlum tíma að læra og allt of miklum tíma í að gera ekki neitt þannig að ég er alltaf illa sofin í skólanum. Það tók mig semsagt ekki nema tvær vikur til að brjóta tvö loforð sem ég gaf sjálfri mér í enda sumars: læra eins og þræll og sofa meira. Hvað er ég einmitt að gera núna? Ég er pottþétt ekki sofandi og ég er að taka mér pásu frá lærdómi. Hmmm.

Ég fór í brúðkaup á laugardaginn. Mér fannst það ósköp yndælt, athöfnin var falleg með fullt af söng og veisla ótrúleg með helling af ræðum.
Ég hef reyndar bara farið tvisvar áður í brúðkaup um æfina. Fyrst þegar ég var c.a. 10 ára. Næst þegar ég var 13 ára og var að safna messum fyrir ferminguna. Ég skráði brúðkaupið sem eina messu.

Í dag var síðan busadagur Verzló. Bekkurinn minn náði að suða út frí í leikfimi til að horfa á gloríuna, voða stemming og mér sýndist fleyri hafa náð því líka. Síðan var þetta ekkert meira en "Höfuð herðar hné og tær" og armbeygjur eða eitthvað slíkt. 350 eru allt of margir til að hrúga á marmarann svo maður geti fylgst með öllu sem er í gangi.
Síðan komst maður náttúrulega að því, fjórða árið í röð (árið sem ég átti að kunna hann meðtalið) að enginn kann skólasönginn. Samt er manni alltaf sagt að læra hann áður en maður verður busaður :-P
Eftir marmarann var síðan öllum í 3. bekk skóflað upp í rútur, keyrt á einhvern leynistað, boðið upp á pulsur og farið í leiki.

Verð samt að segja að nunnurnar voru snilld.

"The moment I wake up before I put on my makeup I say a little pray for you..."

2006-09-03T21:58:00.000Z

Ég er búin að hafa alveg ágætistíma til að hugsa um alls konar vitleysu í sumar og auðvitað verður maður að leyfa ykkur að lesa eitthvað af þessu rugli sem ég hef verið að velta fyrir mér:

Í vísindagreinum, blöðum, bíómyndum og öllu mögulegu er sífellt verið að ítreka það hvað hver kynslóð er orðin gáfaðari en kynslóðin sem á undan kom. Nú þetta fékk mig til að spá jú fyrst að við verðum gáfaðarði þá hlýtur það að vera vegna þess að við erum að þróast til hins betra. Spurningin mín er þá ætli við séum að verða fallegri líka eða eru það bara gáfurnar sem eru að batna?
Þegar ég hef gengið niður Laugaveginn í sumar þá hef ég oftar en ekki séð menn vinna hörðum við að þrýstivatnsblása tyggjói af götunum. Síðan sé ég að mikið er um það að ljós möl er notuð í malbik til þess að lýsa upp vegina. Síðan les ég grein (reyndar aftan á gömlu andrés blaði) afhverju maður eigi ekki að skyrpa tyggjói á göturnar því að það tekur svo rosalega langan tíma fyrir náttúruna að eyða því. Afhverju skyrpa ekki bara allir tyggjóinu sínu á göturnar þá eru þær orðnar ljósari á litinn og endingarbetri!? Hér er sem dæmi grein um einmitt þetta frá BBC NEWS.
Síðan ein spurning meira en pæling. Afhverju keyra allir alltaf svona hægt á vinstri akgreininni á götum með tveim akreinum í s0mu átt?
Síðasta skiptir svo sem engu máli... En ég verð að koma því frá mér ég hata hata hata hata hata hata hata hata hata spítala. Afhverju langar mig þá að verða læknir?

2006-08-24T21:53:00.000Z

Í fyrradag kom ég heim úr fyrstu sólarlandaferðinni minni. Ég fór með Ómari til Lanzarote sem er sú af Kanaríeyjunum sem er næst Afríku. (Við sáum yfir til Afríku þegar veðrið var sem allra best.) Þetta var hreint yndisleg ferð og ég naut þess út í ystu æsar að gera ekki neitt nema að vera með tærnar upp í loftið og lesa lélegar bókmenntir.

En ég er núna byrjuð aftur í skólanum þar sem Menntaskólinn í Reykjavík var settur 161 sinn. Geri aðrir betur. Nú er sem sagt allt allt komið í fastar skorður aftur ég byrja líka að æfa aftur innan skamms og þjálfa eina breytingin á hinum hefðbundnu venjum er sú að ég mun vinna með skóla í vetur! Já þetta er satt ég er ekkert að fíflast í ykkur með það að ég Tóta sem aldrei vinnur á veturnar er að fara að vinna og það við skúringar! Já nú getiði bara gert svo vel að ávarpa mig sem kæra frk. Þórunn ræstitæknir.

En annars er bara lítið sem ég nenni blogga meira um ég skal gera það einhvertíma seinna njótið þess að vera til!

2006-08-08T23:58:00.000Z

Byrjaði að læra magadans fyrir nokkru í þeirri veiku von um að læra einhverja danstakta. Fyrir þá sem ekki vita get ég ekki dansað til að bjarga lífi mínu og hef aldrei getað þrátt fyrir c.a. 7 eða 8 ár í ballett á yngri árum. Hins vegar er mér svona nokkuð sama um það þegar ég er að dansa, þetta er bara svo gaman.

Magadans er ekkert svo flókinn en maður þarf að æfa sig svaka mikið til að ná þessu og með undarlegustu aðferðum, t.d. með því að klessa sig upp við vegg. Það er mest gaman þegar kennarinn okkar dansar stundum fyrir okkur í enda tímans, hún er bara búin að vera í þessu í einhver 3 ár en dansar strax eins og pro!

Síðan eru líka mörg skemmtileg heiti í þessu, flest sem kennarinn finnur bara upp til þess að útskýra fyrir okkur t.d. "happy eyes" og "húlla" :P

2006-07-26T14:12:00.000Z

Take your head around the world see what you get from your mind, write your soul down word for word.

Fallegur dagur í dag finnst þér ekki ? Ég leit út um gluggann og sá döggina á runnunum og grasinu. Ég fylgdist með köttum nágrannans hlaupa eftir bíflugum sem reyndu að komast í blómin í þennann litla tíma sem gefst þangað til næsti rigningarskúr kemur.

Ég er búin að vera að hugsa mikið um mannleg samskipti upp á síðkastið og hvað ég þoli ekki hvað fólk getur verið hrokafullt, frekt, leiðinlegt og sjálfumglatt.

Reservoir dogs er í tækinu, miklu betri mynd en ég hafði gert mér grein fyrir þegar ég sá hana í fyrsta skiptið. Hún er einmitt, sama hvað hver segir, nánast algjörlega um mannleg samskipti og ekkert annað.

En stundum er hreinlega betra að njóta þess hvað það eru í raun margir sem eru ekki svona.

See who's your friend Who is kind It's almost like a disease I know soon you will be.

2006-07-18T09:01:00.000Z

Ég sit hér núna fyrir framan tölvuskjáinn og blogga, sem er mjög sjaldgæft og í raun bara virkilega óvenjulegt miðað við tíma dags árstíma og dagsetningu.

Síðustu daga hef ég gert ósköp lítið nema hugsa og horfa á sjónvarpið. (Fyrir utan eitt virkilega skemmtilegt partý með TKD-pakkinu) Eftir því sem ég hugsa meira kemst ég að því hvað það er í rauninni óþarfi að hugsa ég meina sjáiði allar pöddurnar og dýrin sem eiga víst ekki að hugsa mikið. Í það minnsta eru þau ekki að íhuga hvað öðrum finnst um þau eða hver tilgangur lífsins er og þau hafa það fínt.

Ekki eru þau að vandræðast í hverju þau eiga að vera þennan daginn eða hvort það sé þess virði að læra heima eða að taka til neeei. Þau bara gera þá hluti sem þau þurfa að gera og gera hina bara til að skemmta sér eða vernda sig.

2006-07-10T23:41:00.000Z

It's in my hands. The sky, so bright. It's burning. It's for me to decide. If flames will reach heaven tonight. It's in my hands.

Fyrir tæpu ári síðan var ég á göngu í hverfinu mínu þegar ég lít niður og sé veski í veskinu var debet og kreditkort ökuskírteini og einnig þónokkuð magn af seðlum og kvittunum.

Ég verð að viðurkenna að í örskamma stund íhugaði ég að taka peningana úr veskinu. Það gerði ég nú samt ekki og fór með veskið heim og með hjálp mömmu fundum við út hvar eigandi veskisins átti heima og hringdum í hana. Þetta reyndist vera kona sem bjó rétt hjá þar sem
ég hafði fundið veskið. Mamma vildi endilega filgja mér til hennar.

Við komum að fjölbýlishúsi með margar litlar íbúðir og þar gengum við að hurð sem var merkt nafni konunnar innan úr íbúðinni ómaði barnsgrátur og mikil læti. Þegar dyrnar voru opnaðar þa stendur á móti okkur þreytt kona sem talar bjagaða íslensku og svipurinn í andliti hennar lýsti gleði og hún var rosalega fegin að fá veskið sitt. Hún bauðst auðvitað strax til að gefa mér eitthvað í fundarlaun og ég hugsaði mér að taka við þeim en þá greip mamma fyrir hendurnar á mér og afþakkaði pent og við létum okkur hverfa.

Ég var næstum því fúl yfir því að hafa ekki fengið að halda fundarlaununum þangað til mamma sagði. ,, Ég er alveg viss um að þessi kona hefur miklu meira að gera við peningana sína en við"

Við þessi orð skammaðist ég mín alveg rosalega. Ofsalega hafði ég verið gráðug og sjálfselsk. Ég skammaðist mín fyrir að hafa látið mér detta það í hug að taka peningan eða taka við þeim af konunni. Það sem ég var að segja frá núna, er ekki eitthvað sem ég er að segja til að reyna að upphefja sjálfa mig heldur er þetta einfaldlega lýsing á uppljómun ef það má orða það þannig.

Nailed to the floor Paralyzed Emotions drifting Searching the new

2006-07-06T22:09:00.000Z

part1

Þegar ég opnaði dyrnar að herberginu mínu var eins og ég kæmist í leiðslu eins og eitthvað stórt grátt fyrirbæri á borðinu mínu laðaði mig til sín og segði mér núna þarft þú að kveikja á mér!

Þetta fyrirbæri reyndist vera tölvan mín sem síndi mér með ástkæru surgi sínu að hún hafði saknað mín eftir margra vikna fráveru frá henni.

En hvað er það sem ég hef verið að gera sem hefur valdið þessarri löngu fráveru? ( Þar sem tölvunni minni hefur verið illilega misþyrmt af mömmu minni og hennar ótrúlega áhuga á antík síðum. )

Ýmislegt skal ég segja ykkur, en þó aðalega vinnan þar sem ég er nú staðsett við enda þjórsárdals í Búrfellsvirkjun mest alla vikuna er erfitt fyrir mig að finna tíma til að setjast niður og byrja að segja hvað hefur á daga mína drifið þó sérstaklega þegar aðalatriðunum má safna saman í nokkra lykilpunkta:

Sló gras
rakaði gras
var bitinn af mýflugum
var bitinn í ennið af mýflugum
keyrði bíl sem bilaði
skipaði fólki fyrir
kenndi fólki að skúra

2006-07-06T22:08:00.000Z

Part2

En ég hef að vísu gert annað en þetta líka. Ég fór aftur á Löngumýri að vinna sem leiðbeinandi við sumarbúðir sykursjúkrabarna og núna hlýt ég að vera fyllilega útskrifuð úr drekkingarskólanum. Ég fór líka til Noregs í æfingaferðalag í viku þar sem ég fór á fimm æfingar á dag í fimm daga og kom heim með mjög fallegt safn af marblettum, strengjum og harðsperrum. En einnig var reydnar farið í búðir og í skemmtigarð en þar sem ég komst að því að hálfslíters kók kostar vel rúmar tvöhundruð krónur þarna og ég nota kók sem viðmið um verð þá keypti ég mér ósköp fátt þarna úti. Eiginlega bara ekki neitt.

En annars horfi ég í gegnum rósrauð sólgleraugu framm á við og vona að þetta sumar þurfi aldrei að taka enda.

Er því miður ekki í stuði til að finna lagatexta eftir að ég hlustaði á tvö lög eftir Ómar Ragnars þá varð ég þunglynd í garð textahöfunda og vill ekkert með þá hafa allavega ekki í dag.

2006-07-06T07:27:00.000Z

I can't get no satisfaction, I can't get not satisfaction no no no no....

Vá það er langt síðan ég bloggaði síðast og rosalega hefur margt gerst síðan og rosalega mikið af því er að vísu þeim mun ómerkilegra. En ég mun blogga síðar alveg þrusublogg eða eitthvað í þá áttina allavega en nú verð ég að fara að vinna. Veriði sæl!

Múhahahahahaha

2006-07-01T01:36:00.000Z

I'm wasting my time, I got nothing to do. I'm hanging around, I'm waiting for you. But nothing ever happens and I wonder.

Semsagt, núna er júnímánuður liðinn og so far hefur sumarið verið svona:

- Rigning
- Vinna

Ég ætlaði að finna fullt annað til að telja upp í þessari upptalningu. Eftir mikla pælingu komst ég að því að það er ekkert annað að telja upp.

Ú jú, núna man ég. Ég fékk þá frábæru hugmynd að taka áfanga í eðlisfræði í fjarnámi í sumar, ekki spyrja af hverju. Næst þegar ég fæ einhverja frábæra hugmynd nennir þá einhver að stoppa mig og fá mig til að pæla aðeins í því sem ég er að gera? Plís. Þetta hljómaði vel in the moment þegar ég ákvað þetta en síðan þá geri ég mér æ betur grein fyrir því að ég nenni einfaldlega ekki að setjast niður eftir vinnu og fara að reikna og lesa. Ég fékk nóg af því í skólanum í vetur.

Bitch
B.t.w. þessi færsla var tileinkuð Eydísi :-)

I'm turning my head up and down, I'm turning turning turning turning turning around. And all that I can see is just another lemon-tree.

2006-06-10T12:36:00.000Z

Ég er yfirleitt ekki hrædd við geitunga og alls ekki við bíflugur en akkúrat núna er ég skíthrædd við geitung sem er inni á baði og er á stærð við... eyrað á mér. Ég var bara þarna inni í friði og spekt að greiða mér og heyrði ekkert grunsamlegt suð þegar ég lít allt í einu upp þarna er hann í rólegheitunum... tilbúin að fljúga á mig og stinga!

Ég er skíthrædd við hann, ég þori ekki að veiða hann í glas og setja blað fyrir. Ég þori ekki einu sinni að fara þarna inn til að spreyja hann með hárlakki. Ég er algjör skræfa, ég veit, en hann er bara svo stór :S

Update: ég fór þarna inn og spreyjaði á hann hárlakki og núna er hann bara virkilega pisst off! Hann er ekki einu sinni vankaður þannig að ég geti veitt hann, hann er bara pirraður :S

2006-05-29T21:22:00.000Z

Nenni ekki að finna lagatexta....

Fyrsti dagurinn minn í "nýrri" vinnu var í dag, þ.e. ég er að vinna á Sóltúni eins og ég hef gert í allan vetur en ég er bara að gera aðra hluti.
Það er skrítið hvernig fyrsti dagurinn í vinnunni gerir mann úrvinda! Ég er búin að vera í fríi í meira en viku og sofa helming tímans en samt var ég uppgefin þegar ég kom heim. Ég verð samt farin að ganga af fullum krafti á sólarorkunni eftir nokkra daga.

Það gæti haft eitthvað með það að gera hvað það var molluheitt í dag, allaveganna þar sem ég var. Það er nefninlega algert logn á svölunum í vinnunni og sólin skín inn um glugganna og gerir allt steikjandi heitt. Það var varla munur á hitanum úti og inni og ég var að deyja. Eins yndælt og það er að hafa gott veður og sól þá er það líka stundum frekar óþægilegt ef það er ekki allavega smá gola. Ég er ekki mikil hitamanneskja.

Það er samt æðislegt að komast út úr skólastofunni í smá tíma og gera eitthvað annað, sérstaklega þar sem að ef að maður er jafn þreyttur og ég var í dag þá er engin heimavinna og maður getur fengið sér lúr :-P
Bla bla blablabla bla...

2006-05-28T18:45:00.000Z

Fallegur dagur í dag finnst þér ekki ? Fullt af bíflugum sveimandi yfir nýútsprungnum blómum og fuglar syngjandi í trjánum.

Ég var að hjálpa mömmu við að gróðursetja áðan og ég er alveg viss um það að í garðinum okkar eru einhverjir stærstu ánamaðkar á íslandi. Þeir eru stórir dökkbrúnir og hræðilegir! Nei segi bara svona hef aldrei verið hrædd við ánamaðka eða pöddur.

Reyndar er ég ekki hrædd við mjög margt en ég er alveg rosalega bílhrædd. Meira að segja stundum þegar ég sjálf að keyra. Það er alls ekki sniðugt. Þá frís ég og dett algjörlega út úr heiminum og veit ekkert um hvar ég er eða hvað ég er að gera. Þetta hefur sem betur fer ekki valdið mér vandræðum hingað til en það er alltaf möguleiki.

En hvað ert þú hrædd/ur við ? Ég hef alltaf haft þá kenningu að allir séu hræddir við eitthvað og ef þeir segjast ekki vera hræddir við neitt þá er það vegna þess að þeir vita ekki hvað það er eða vilja ekki viðurkenna veikleika sinn. En er það ekki veikleiki í sjálfu sér að þora ekki að viðurkenna veikleika sinn.

2006-05-26T10:09:00.000Z

Ég er í fríi. Það er ekki eins skemmtilegt og það hljómar. Ég sit bara hérna með kjölturakkann og horfi á The Wedding date og reyni að forðast það að hnerra yfir allan skjáinn.

Sum ykkar hugsa kanski ,, en ég væri alveg til í að stija heima á sloppnum horfandi á væmnamynd." Jú jú það er yndælt svona í einn dag en núna leiðist mér alveg gííífurlega. Ég er eina manneskjan sem er í fríi og ég verð í fríi þangað til 6.júní. Ég er búin að gera allt sem mér dettur í hug að gera og auk þess er ég orðin svo kvefuð að ég get ekki andað með nefinu hvað þá talað sómasamlega. Mögulega er ég með kvef vegna þess að hvítlaukurinn er dauður hver veit.

Mig langar svo að fara í almennilegt partý og djamma eilítið svona til að fagna því að ég er búinn með hálfa (vonandi) menntaskólagöngu mína. Ég verð samt að viðurkenna að ég er farin að leiða hugann að því hvað ég ætla að gera þegar ég er orðin stúdent.

Oh.. ég elska fötin í The Wedding Date, mig langar í fleiri kjóla og enn langar mig að læra að dansa!

2006-05-19T16:14:00.000Z

Part 1

If you are all alone feeling lonley and so cold, all you have to do is call my name and I'll be there on the next train...

Ég elska gleraugu og að máta gleraugu og að vera með flott gleraugu.

Verst er að þau eru stjarnfræðilega dýr. Ég er mjög nærsýn og þar af leiðandi þarf ég að ganga um með flöskubotna gleraugu ef ég borga ekki himinháar upphæðir fyrir að þær séu þynntar svo ég tali nú ekki um umgjarðirnar sem að ég er spenntust fyrir því að þær eru já fáránlega dýrar. Hum... Þetta fæ ég fyrir að vera hégómleg eins og vinur minn orðaði það svo smekklega um daginn.

Einn galli enn er sá að af einhverjum ástæðum dettur engum í gleraugnaverslunum í hug að ég gæti mögulega þurft á þeirra hjálp að halda eða almennri aðstoð. Nema þeir haldi að ég ætli mér að brjóta eitthvað en þá þurfa þeir að standa yfir mér og anda í eyrað á mér. *hrollur*

frh. í næsta blogginu hér fyrir neðan.

2006-05-19T16:08:00.000Z

part 2

Ég fann samt hina fullkomnu umgjörð. Hún er svört og glær ferkönntuð úr plasti ég veit það hljómar ekki vel en hún er fáránlega flott og jú eins og ég gaf í skyn áðan alveg fááránlega dýr. En það er samt spurning hvort ég spreði sumarlaunum mínum í þau þar sem þau eru alveg geðveikislega flott.

Eftir að við vorum búnar að skoða gleraugun fórum við aftur að bílnum okkar (ég og mamma fórum saman ef þú ert að velta því fyrir þér) en þar sem gleraugnaverslunin er staðsett í miðbænum þurftum við að leggja við stöðumæli. Þegar við erum svona 100m frá bílnum sjáum við stöðumælavörðinn á leið að bílnum okkar. Ég gríp næsta hundrað kall og hleyp sem var hægara sagt en gert þar sem ég var á 10cm hælum og ég næ að koma að bílnum áður en stöðumæla vörðurin kom að bílnum. Málið var samt bara það að stöðumælavörðurinn var að koma úr áttinni sem bíllinn okkar var. Við vorum komnar með sekt og þessi hlaup höfðu verið til einskis.

Mér finnst samt að ég ætti að fá verðlaun fyrir besta tíma fyrir 100m sprett á hælum.

Where you leave I will follow any anywhere where you tell me to if you need you need me too be with you I will follow where you leave.

Is he breathing?

2006-05-17T12:21:00.000Z

Ah já og eitt enn ég verð að fara að koma mér í form aftur skortur á æfingum og almenn leiðindi og prófát ( nei ég borðaði reyndar ekki kókósmjölið). Mér líður ömurlega með þetta ég er algjörlega komin úr formi og mér líður eins og stórum feitum flóðhesti ef ég hleyp upp tröppur. Kanski er ég bara geðveik... Farin að þykjast hreyfa mig!

She is a fortunate fool

2006-05-16T22:41:00.000Z

I was sitting, waiting, wishing you believed in superstition, then maybe you would see the signs...

Ég er hætt að reyna að ljúga að sjálfri mér, ég læri bara á morgun. Þetta er nú bara líffræði eftir allt saman. Ahhh, kannski ég lesi einn kafla eftir að ég er búinn að blogga hérna samt.

Ég er alveg að verða búin í prófum, þetta er allt að koma. Ég á bara tvö eftir sem þýðir að ég er búinn með 10/12 = 0,833333333333333333....eða rétt rúmlega 83% af prófunum!

Prófatímabil eru alltaf mjög merkileg, maður tekur upp á heimskulegustu hlutum eins og að fara að hlæja að skólabókum og því hvernig atómin þurfa að bera virðingu fyrir grindarorku eða eitthvað álíka...ég veit ekki hvað ég var að hugsa en ég var að hlæja!

Ég hef líka uppgötvað þægindi fata sem eru svona tíu númerum of stór og þess að vera með hárið í einhverskonar afskræmdu dinglumdangls/tagls/snúðs/klessu, ah! Ég er reyndar búin að hlusta alveg helling af góðri tónlist og reyndar lélegri tónlist líka. Er til betri afsökun fyrir því að læra ekki en að vera með bókina fyrir framan sig og vera í rauninni bara að hlusta á tónlistina sem þú ert með í eyrunum?

Ég er samt búin að vera alveg gífurlega bitur út í öll nágrannabörnin sem búa í hverfinu núna síðustu daga! Hvernig dettur þeim í hug að leika sér úti í góða veðrinu þegar ég er inni að læra? En einn krakki veldur mér sérstaklega mikilli reiði, en það er trommunágranninn minn sem kann ekkert á trommur! Ég meina, hann hefur ekki hæfileika frekar en stökkmús en samt heldur hann áfram að æfa sig en æfir bara eitt slag, eitthvað búrum tiss tiss bamm bamm sem er ekki í takti og bara yfir höfuð hræðilegt! Kötturinn minn slær betri takt með rófunni þegar ég neita að deila með henni bragðarefnum mínum! Einhvern daginn mun ég labba yfir til hans og stinga þessum trommukjuðum eins langt upp þar sem sólin aldrei skín og mögulegt getur talist!

2006-05-12T00:25:00.000Z

She's got a smile that it seems to me. Reminds me of my childhood memories, where everything was as fresh as the bright blue sky.

Er í smá pásu frá sögulærdómi, sé samt fram á að ég verði að þessu til að minnsta kosti 2 í nótt. Það reddast svosem ef ég sef vel um helgina.
Það er soldill húmor að lesa þetta því að það koma fullt af einhverjum fáránlegum punktum sem hljóta bara að vera uppspuni.

Í öðrum fréttum er þetta helst:
1. Kiddi bróðir átti afmæli í dag og er núna 30 kallinn. Hann fékk málverk, einhverja DVD diska og Herra frábær bók í afmælisgjöf.
2. So far er bífluga búin að búa í húsinu síðan á mánudaginn. Hún er huges en ég nenni ekki að flæma hana út sérstaklega þar sem ég er af einhverjum ástæðum ekkert hrædd við hana, ég er eiginlega bara hrædd við geitunga. Ég hætti að vera hrædd við bíflugur fyrsta árið mitt í kirkjugarðinum þegar við grófum niður á bíflugnabú og ég fékk að halda á einni þeirra.
Hinsvegar neyði ég fluguna til að borga leigu ef hún verður hérna mikið lengur.
3. Lærdómsfriður hefur verið nokkuð skertur hérna heima vegna þess að það er smiður úti í garði að negla og saga til pall. Ég reyni að hafa lokaðann gluggann en þá verður svo óbærilega heitt inni hjá mér út af sólinni. Ég byrjaði reyndar óvart að syngja í dag í fullri alvöru, búin að gleyma að glugginn væri galopinn og að smiðurinn heyrði þetta vel. Það er kannski óþarfi að taka það fram að ég fékk vægt sjokk þegar ég var búin að rimpa út úr mér heilu Traviserindi rammfölsku með innlifun. Það entist reyndar ekki lengi, ég kenni prófaleiðanum bara um.

Bitch

P.s. af hverju er enginn á MSN eins og venjulega á þessum tíma?!

Now and then I see her face, she takes me away to that special place. And if I'd stare too long, I'd probably break down and cry.

2006-04-29T22:44:00.000Z

Mig langar að læra að dansa salsa, tangó, rúmbu... Mig langar að kunna að dansa eins og ekkert annað í lífinu skipti mig meira máli. Ég vildi að ég gæti dansað nútímadans og breikað vildi að ég gæti haldið takti.

Ég er samt hægt og rólega að breytast í mjög bjartsýna miss piggy....Kanski er það ekkert svo slæmt ég meina hún á geggjað hjól!

Prófin eru að klárast! Það eru bara tíu eftir og hey ef þú litir í djúpupokann og sæir bara tíu djúpur þá findist þér þær líka vera að klárast ekki rétt?

Reyndar get ég ekki beðið eftir því að komast í sumarfrí. Sérstaklega þegar veðrið er svona klikkaðslega gott! Afhverju er alltaf alveg geggjað veður þegar maður er í prófum? Reyndar er það líka ágætis afsökun til að laumast í sund :P

2006-04-26T11:08:00.000Z

A singer in a smokey room. A smell of wine and cheap perfume. For a smile they can share the night. It goes on and on and on and on.

Í tilefni þess að ég var búin fyrr í síðasta frönskutímanum mínum, ever, og hef ekkert að gera ætla ég að segja ykkur aðeins frá mínum siðum og venjum í prófunum...

Hingað til hef ég allavega reynt smá. Þessar síðustu tvær vikur eða svo hef ég barist við löngunina við að detta niður í það sem ég kalla alvarlegar afleiðingar prófa. Ég hef reyndar ekki nennt að mála mig og ég er nú þegar búin að steypa hárið á mér í tagl eins og það verður næstu þrjá vikurnar en ég hef þó allavega nennt að mæta í gallabuxum í skólann og einhvern decent bol. Ekki lengur, ekki lengur. Á morgun, þegar ég officially byrja í prófum tekur alvaran við; forláta Henson buxur, eldgömul Verzló peysa, mygla og meira naglanag en nokkurn tíma fyrr.
Ég er nú þegar komin með áhuga á leiðinlegustu hlutum, bara af því að prófin eru að fara að byrja, og stóð ég sjálfa mig að því að lesa blogg Unnar Birnu á Mbl.is í gær og að horfa á Monster Trucks á fjölvarpinu. Að blogga verður sívinsælla jafnvel þó að ég sé almennt blogglöt og hafi ekkert til að blogga um og magasárið er núna að teygjast upp í 11 fersentimetrana.
Heilinn minn er líka farinn að spyrja mig hvort að ég ætli að lesa þetta leiðinlega fjármálafag mikið lengur, hann er farinn að þrá einföldu tímanna þegar ekkert skipti máli nema Sex and the City og Cosmo. Ég segi honum að vera ekki með þennan derring og þegja.
Æ, nú verð ég að fara aftur í tíma... síðasti enskutími 5. bekkjar kallar...

Workin' hard to get my fill. Everybody wants a thrill. Payin' anything to roll the dice. Just one more time.

NEI HÆTTU AÐ GRÍTA Í MIG SYKURMOLUM!.. ó þetta er haglél...

2006-04-23T14:20:00.000Z

Sexy sexy made up of plexi disasters, pushing and pulling conservative rolling, unlike plastic, easier to see through...

Ótrúlegt hverju er hægt að verða háður.
Súkkulaði,
Manneksjum,
Kynlífi,
Mat,
Skipulagi,
Skóla,
Hreinum klósettum,
Íþróttaiðkun,
Fjólubláum töflum í appelsínugulum glösum,
hárburstum,
Því að líta vel út,
Tölvum,
Internettengingu,
Bangsanum sínum,
Ást...

Just like glass with no ring. Softer and sadder you sing. Sexy sexy do your thing
Learn to be shy and then you can sting

2006-04-15T20:30:00.000Z

Johnny wanna be a big star, get on stage and play the guitar. Make a little money, buy a fancy car, big old house and an alligator.

Ahhh, yndæla páskafrí. Ég er varla búin að gera nokkuð annað en að liggja með tærnar upp í loftið, umturna herberginu mínu og vinna einu sinni.

Ég hef komist að því að ég er orðin nákvæmlega eins og mamma. Ég leigji eða skelli DVD í tækið og steinsofna eftir hálftíma. Það er bara eins og það slökkni á mér.
Case in point: um daginn var ég með Hildi að horfa á mynd sem heitir The adventures of Baron Munchausen, sem fyrir eitthverja freak tilviljun ég hef séð, og með hverri mínútu sem leið urðu augnlokin þyngri og þyngri þar til ég sofnaði og svaf þar til myndin var búin.
Ég svaf ekki einu sinni vel, ég heyrði eitthvað smá af skothvellum og gauli í myndinni og Hildur ákvað að gera á mér tilraun og hafa áhrif á draumana mína með því að segja mér að ég væri kanína (mér minnir það allavega). Það tókst reyndar ekki. En ég vaknaði hálf rugluð og ískallt og endaði á því að sofa hálfan næsta dag.

Te sun, sa-ti spun, ce simt, acum. Alo, iubiera mea, sunt eu, fericiea. Alo, alo, sunt irasi eu. Picasso, ti-am dat beep, si sunt voinic. Dar sa stii nu-ti cer nimic.

Loksins loksins hvítlaukur?

2006-04-10T22:32:00.000Z

oh... Öll fötin mín lykta eins og hvítlaukur.

Nei, það er ekki vegna þess að ég er haldinn einhverri ofsahræslu í garð vampýra eftir að ein þeirra bauð mér að ganga í stéttafélag VáV (Vampýrur á vinnumarkaði) eftir að ég var að hjálpa Únu í blómabúðinni fyrir Grímuballið. (Myndir koma síðar)

Ástæðan er allt önnur og heldur meira óspennandi . Pabbi fékk þá flugu í höfuðið að rækta hvítlauk hérna heima. Til þess þurfti hann auðvitað að leifa gömlum lauk að spýra og skjóta rótum í hlýju og röku umhverfi a.k.a. þvottahúsið okkar. Þetta leit allt voðalega vel út í byrjun sætur langur álblómapottur var settur inn í þvottahús hann fylltur af mold og nokkrum lauk geirum stungið ofan í. En svo fór laukurinn að spýra.

Nú er lyktin orðin svo mögnuð að það er vart hægt að vera þarna inni ég vona þó innilega að pabbi fari að drífa í því að færa þessa tilraunastarfssemi sína út en miðað við veðrið þá held ég að ég verði bara að venjast þessu.

Er fólk ekki líka alltaf að tönnslast á því hversu hollur hvítlaukur sé? Kanski er þetta ástæðan fyrir því afhverju flensan er ekki búin að gleypa mig með húð og hári.

*AAATSJHÚÚ*

kv.Beast

2006-04-03T22:01:00.000Z

Hello is it God? What up dog?! It's your favourite person in the world, Silvia Night!

Ég er allt of auðtrúa...
Fyrsta apríl trúði ég actually því að einhver frægur gaur ætlaði að mynda fullt af fólki berrassað og að Evróvision siðanefndin væri búin að dæma hana Silvíu Nótt okkar úr Evróvision. Ferlega er pirrandi að skrifa Evróvision.

Síðast en ekki síst trúði ég því, og hneykslaðist þvílíkt, þegar Helga póstaði á blogginu sínu að hún fengi ekki að fara til USA af því að flugfélagið gleymdi að reikna með henni eða eitthvað. Ég var stórmóðguð fyrir hennar hönd og var farin að plana þær lagalegu aðgerðir sem hún gæti hrint í framkvæmt. Ég meina, það hrifsar enginn svona ferð frá manni bara si svona.

Men nej, þetta var víst aprílgabb hjá henni Helgu litlu, og ég féll fyrir því um leið.

Annað hvort er ég allt of auðtrúa eða einum og dense...

To gratulations, I have arrived

Mitt lag ógislega töff, ekkert nineties ógeð. Það er töff ókei, það er ekki gay. Ég er komin hér tú stay. En hinar tíkurnar, eru bólugrafnar. En ég er hrein mey. Þið elskið mig, þið dýrkið mig. En samt eitthvað svo glatað!

Brummm brummm....

2006-03-30T09:31:00.000Z

Það er fátt sem mér finnst svalara en mótorhjól. Einhvern daginn ætla ég að fá mér eitt slíkt. Ég veit að það er stórhættulegt sport og að þú getur orðið heyrnalaus og bla bla bla málið er bara það að mér er alveg sama! Þetta er svo óendanlega kúl. Mig langar í þrönga leðurgallann og stóra hjálminn. Hvenær það verður er samt ómögulegt að segja...

Sá er syndlaus er kasti fyrsta steininum

2006-03-25T23:02:00.000Z

Sofðu unga ástin mín.

Úti regnið grætur.

Mamma geymir gullin þín,

gamla leggi og völuskrín.

Við skulum ekki vaka um dimmar nætur.

Ég ætti að vera farin að sofa. Ég veit það vel, málið er bara að mig langar ekki, eins og svo oft áður, að fara að sofa því þá veit ég að það kemur nýr dagur. Þetta er eitthvað sem situr í mér síðan ég var lítil og hélt að dagurinn væri eins langur og maður gæti vakað. Nú er öldin önnur, ég hef prufað að vaka alla nóttina, það kemur samt dagur eftir þennan dag sama hvað ég reyni.

Það er margt sem myrkrið veit

minn er hugur þungur.

Oft ég svartan sandinn leit,
svíða grænan engireit.

Í jöklinum hljóða dauðadjúpar sprungur.

Þreytan er samt að yfirtaka mig. Rúmið mitt er farið að ljóma þægilegum bleikum ljóma í hvert sinn sem ég lít í áttina að því en samt það er eitthvað sem heldur aftur að mér.
Ég komst að mjög leiðinlegum sannleika í dag. Mig hafði lengi grunað að þetta væri svo en alltaf vonað að ekki væri. Raunin reyndist leiðinleg. Ég reyndi að harka af mér en ég varð bara svo reið. Þetta var svo ósanngjarnt svo asnalegt og jafnframt svo pirrandi. Langaði helst að bíta stikki úr stýrinu og keyra svo utan í næsta bíl á hringtorgi en tókst með naumundum að halda mér frá þvílíkri vitleysu. Þetta skiptir í raun litlu máli og mun engu breyta en af einhverjum ástæðum tókst mér að taka þetta inn á mig. Vonandi næ ég að harka þetta af mér fyrir morgundaginn.

Sofðu lengi, sofðu rótt,

seint mun best að vakna.

Mæðan kenna mun þér skjótt

meðan hallar degi skjótt

að mennirnir elska, missa, gráta og sakna.

Beast

2006-03-25T22:37:00.000Z

I never understood before, I never knew what love was for. My heart was broke, my head was sore, what a feeling.

Hefurðu einhvern tíma verið í virkilega góðu skapi og síðan fimm sekúndum seinna verið tilbúin til að lemja tré af pirringi? Lenti í þannig mómenti í dag...

Kýkti aðeins niðrí skóla til að vinna fjármála verkefni en var búin snemma þannig að ég ákvað að kýkja aðeins í Smáralindina svo ég gæti keypt mér striga í Söstrene Grene.
Þar sem það var kalt úti (og ég illa klædd) ákvað ég að næla mér í heitt kakó á leiðinni út. Voða næs.
Það næsta sem ég veit er það að ég er að keyra og bollinn (take-away draslið) valt svo að það helltist á sætið í bílnum. Þar sem ég var að keyra gat ég ekkert gert í því annað en að láta bollann standa á gólfinu en nei! Hann veltur og allt fer út um allt. Vil taka það fram að hann var sama sem fullur.
Ég var svo pirruð að ég keyrði á 110 heim til að ná í tusku til að hreinsa bílinn. Þegar ég loksins náði að þrífa sætið og gólfið í framsætinu ágætlega fór ég inn með bollann svikula... og helti aðeins meira úr honum yfir allt gólfið.

En hey, það var laugardagur og sól þannig að ég var sem betur fer ekki pirruð lengi °¨,

Tied up in ancient history, I didnt believe in destiny. I look up you're standing next to me, what a feeling.

2006-03-21T00:21:00.000Z

I want to live where soul meets body and let the sun wrap it's arms around me. And bathe my skin in water cool and cleansing and feel, feel what it's like to be new.

Ég ætti tæknilega séð ekki að vera að blogga akkúrat núna en þar sem mér fanns tími til komin að blogga smávegis læt ég það eftir mér. Ég ætti reyndar að vera að nota tíman til nytsamlegri hluta eins og að lesa undir sögupróf á mið eða eitthvað álíka. T.d. sofa. Þegar ég pæli í því ætti ég eiginlega að vera sofandi vegna þess að ég er óstarfhæf ef ég fæ ekki 8 tíma svefn (sem er aldrei, you do the math) en þar sem ég sofnaði í einn og hálfan klukkutíma áðan get ég vakað lengur núna.

Anyway, ég vaknaði í morgun með hausverk og var viss um að ég væri að pikka upp aðra pest eftir að hafa bóksaflega dáið úr hagfræði á sunnudaginn (próf í dag). Af þeim ástæðum hafði ég engann áhuga á að mála mig, gera eitthvað frábært do í hárið eða pæla neitt stjarnfræðilega í outfittinu. Sem er reyndar ekki mikil nýbreyttni.
En ég fór bara að pæla í dag að ég hlýt að líta út eins og geimvera. Miðað við það að flestar bekkjarsystur mínar eru eins og klipptar út úr Vogue og svo kem ég, manneskja sem hefur einfaldlega ekki tíma í þetta. Ég hef varla tíma til þess að sofa! Það mesta sem ég ræð við á morgnanna er að busta í mér tennurnar og kannski maskari.
Mig hlakkar til þess að fá sól í sumar þannig að ég verði brún og sæt og þurfi ekki að pæla í þessu.

Cuz in my head there's a Greyhound station where I send my thoughts to far off destinations. So they may have a chance of finding a place where they're far more suited than here.

Kanski í dag kanski á morgun kanski hinn.

2006-03-19T19:40:00.000Z

Hjálpaðu mér upp ég get það ekki sjálfur. Ég er orðinn leiður á að liggja hér, gerum eitthvað gott, gerum það saman. Ég skal láta fara lítið fyrir mér

Vá... mig langar í hringferð. Ég var að horfa á Elisabethtown og hún vakti hjá mér þessa gífurlegu löngun til þess að fara bara að ferðast. Ein, með fullt af tónlist og bókum og myndavél. Ég mundi ekki taka síma eða segja hvert ég væri að fara bara láta vita af mér með póstkortum og e-mailum við og við.

Það er svo margt sem mig langar að sjá svo margt sem mig langar að skoða og prufa. Sofa undir berum himni, klifra upp á fjöll sem ég hef aldrei séð áður, skoða enn fleiri krummaskuð og dást að náttúrunni og þessu sérlinda veðri.

Ég hef að vísu ferðast mjög mikið um Ísland en aldrei ein. Það er auðvitað vegna þess hversu ung ég er víst enn. Ég hef að vísu líka rosalega löngun til að ferðast um útlönd og fara í heimsreisu en þá mundi ég ekki vilja fara ein.

Kanski er ein af ástæðum þess að mig langar í hringferð núna sú að ég er komin með leið á öllu. Ég vona að þetta líði hjá bráðum því ég þoli ekki að vera ekki spennt fyrir neinu.

Hvað getum við gert ef aðrir bjóða betur, dregið okkur saman inn í skelina? Nei, það er ekki hægt, að vera minni maður. Láta slíkt og annað spyrjast út´um sig

sandalar í MARS!

2006-03-14T16:23:00.000Z

One day or another I'm gonna get ja I'm gonna getcha getcha getcha one way or another I'm gonna get ja..

Hvaðan kom allt þetta vor? Ég lít út um gluggan og það er sól sem reynir sitt besta til að skína í augun á mér og litlir þrestir syngja á grein. En þetta er ekki það sem ég undrast mest. Í rauninni er þetta bara gluggavor því að úti er skítakuldi. Ég hef þess vegna kosið það að vera vel klædd flesta daga.

Þetta hafa skólasystur og kynsystur mínar almennt aftur á móti algjörlega ákveðið að hunsa. (Það er kuldann þeim má vera alveg sama um hvernig ég klæði mig) Þær ganga í sandölum stuttum pilsum og þunnum bolum yfir meikaðar og með blásið hárið svo þær líta út eins og nýklipptar út úr tískublaði!

Þessi harka hins almenna íslenska kvennmanns pirrar mig. Ég neita að klæða mig svona til þess eins að verða á endanum veik eða að skemma á mér fæturnar á óneitanlega fallegum en óendanlega óþægilegum skóm. Gallinn er hins vegar bara sá að þessar stelpur sem eru svo harðar að taka sig til og gera sig sætar sí og æ tekst auðvitað að líta mun betur út en ég í stóru úlpunni minni úturjöskuðu gallabuxunum og þreyttu strigaskónum. Afhverju er mér ekki sama um það ? Ja, þar kemur upp í mér hégóminn því satt að segja elska ég að vera vel til höfð og sæt og að líða vel með hvernig ég lít út. Þá ímynda ég mér að fólk dáist að mér og mér líður eins og drottningu.

Leti er samt aðal ástæða þess að ég nenni ekki að hafa mig til... leti leti let...

út af leti ætla ég ekki að gera annan lagatexta dadaradada....

2006-03-14T08:19:00.000Z

Working hard to get my fill, everybody wants a thrill. Payin' anything to roll the dice, just one more time

Ég trúi ekki að ég hafi rifið sjálfa mig á fætur til þess að mæta loksins á réttum tíma í skólann og fattað síðan að ég gat sofið 40 mínútum lengur. Nema hvað að ég fattaði það ekki fyrr en ég var komin í skólann þannig að no use.

Ég sá soldið skrítið á Sogaveginum um daginn. Næstum því eins og fljúgandi furðuhlut... Strætó! Mér brá svo mikið að ég vissi varla hvert ég átti að fara. Þetta eru eins og jólin, hálfu ári of seint! Ég hef ekkert að gera við strætó núna, ég þurfti á honum að halda í sumar þegar ég var dauð eftir vinnu og þurfti skutl heim i staðin fyrir að labba í 40 mínútur!

Some will win, some will lose. Some were born to sing the blues. Oh, the movie never ends. It goes on and on and on and on

2006-03-13T16:01:00.000Z

But then this bird just flew away, she was never meant to stay. Oh to keap her caged would just delay the spring.

Vúhú, nýtt blogg! Verð að viðurkenna að það er miklu skemmtilegra að blogga á blogspot fyrir utan það að þá get ég ekki bloggað í skólanum. Og þar sem ég er yfirleitt pirruðust eða ljóðrænust í skólanum af því að ég hef ekkert annað að gera er það ekki gott. :-P
Annars hafa sumir spurt af hverju við í ósköpunum stóðum upp frá næstum því 12000 heimsóknum á gömlu síðunni. Svarið er einfaldlega: Æji, bara.

Fyrsta blogg Beast veitti mér innblástur... til að kvarta.
Ég þoli ekki þegar fólk les yfir öxlina á mér eða það sem ég er að skrifa! Og þá er ég ekki að meina óvart heldur actually les og starir eins og það sé ekkert mál. Þetta er að gera mig snargeðveika!
Call me crazy en ég vil fá smá frið jafnvel þó ég sé bara að glósa eða blogga.

There was no blame for how our love did slowly fade. And now it's gone it's like it wasn't there at all. And here I rest where dissappointment and regret collide, lying awake at night.

Allt of þunnur ís... úbbs...

2006-03-12T19:59:00.000Z

You can try to resistTry to hide from my kissBut you know, but you knowThat you, can't fight the moonlightDeep in the dark, you'll surrender your heartDon't you know, don't you know that youCan't fight the moonlight..NoYou can't fight it...It's gonna get to your heart

Ah.. ljúfa helgi. Ég elska svona helgar eins og þessa sem eru ekkert nema afslöppun og róleg heit. Ég er ekki búin að gera neitt nema horfa á sjónvarpið njóta þess að vera með vinum mínum og fjölskyldu og sofa...

Ég komst samt að því að ég er orðin ansi góð í að lemja niður samviskuna mína. Ef þetta heldur svona áfram get ég farið í lögfræði í háskólanum og lært að verða réttarlögmaður fyrir alla morðingjana og nauðgarana... vúhú. Spennandi líf.

Nei veistu ég vil þetta ekki... en ég nenni ekki að gera neitt best bara að halda því áfram.

Ah... farin að horfa á meira sjónvarp.

Under the lover-sky Gonna be with you. And no one's gonna be aroundIf you think that you won't fallWell just wait until'Til the sun goes down

Nýtt blogg nýir tímar!

2006-03-10T14:32:00.000Z

Well relatioships change,oh i think it's kinda strange,how money makes a man grow.Some people they claim,if you get enough fame,you live over the rainbow.Over the rainbow..

Góðan daginn/kvöldið eða hvað sem það er kæri lesandi!
Já nú er hin síðan svo sannarlega liðin undir lok. En það er ekki vegna þess að við séum hættar að blogga langt því frá! Við erum bara komnar með upp í kok af ömurlegheitum blog.central.is og ætlum því ekki að blogga þar lengur.

Einnig bíður þessi síða upp á sv0 miiiiklu fleiri möguleika í afþreyingu og skemmtun eins og þið munuð fljótt komast að. Einnig vona ég auðvitað að þessi síða muni veita okkur innblástur til að skrifa fleiri og skemmtilegri færslur sem þið og við sjálfar getum notið til hins ýtrasta!

Ég er reyndar búin að taka eina mjög mikilvæga ákvörðun og hún er sú að ég ætla ekki að hætta að kvarta. Þegar ég fann það út að margar af mínum skemmtilegustu og jafnframt best skrifuðu færslum voru skrifaðar þegar ég var í vondu skapi, bitur og pirruð. Ef einhver hefur eitthvað á móti þessu þá mæli ég endilega með því að sá hinn sami geri grein fyrir því hér fyrir neðan.

But the people on the street,out on buses or on feet,we all got the same blood flow.Oh, in society,every dollar got a deed,we all need a place so we can go,over the rainbow.And feel over the rainbow.

2006-02-10T11:02:00.000Z

humm